جسے اللہ رکھے، اسے کون چکھے! قمیض میں گھس گیا زہریلا کوبرا، رونگٹے کھڑے کر دینے والی ویڈیو دیکھیں

ایک کسان کھیت میں تھکاوٹ کے بعد گہری نیند سو رہا تھا کہ اسی دوران ایک زہریلا کوبرا اس کی قمیض کے اندر جا گھسا۔ حیران کن بات یہ رہی کہ کسان کو اس کا احساس تک نہ ہوا اور وہ پرسکون انداز میں سوتا رہا۔ خوش قسمتی سے سانپ نے کسان کو کوئی نقصان نہیں پہنچایا اور وہ ایک بڑے حادثے سے بال بال بچ گیا۔ سوشل میڈیا پر وائرل ہونے والی اس ویڈیو نے لوگوں کو حیرت میں ڈال دیا ہے۔ اگرچہ ویڈیو کے مقام اور وقت کی آزادانہ طور پر تصدیق نہیں ہو سکی، تاہم یہ منظر کسانوں کی محنت، خطرات سے بھرپور زندگی اور روزمرہ پیش آنے والے غیر معمولی حالات کی عکاسی ضرور کرتا ہے۔