اسپین نے فرانس کو 0-2 سے شکست دے کر فیفا ورلڈ کپ 2026 کے فائنل میں جگہ بنا لی- اسپین کی شاندار کارکردگی، اب فائنل میں انگلینڈ یا ارجنٹینا سے مقابلہ ہوگا۔
فیفا ورلڈ کپ 2026 کے پہلے سیمی فائنل میں اسپین نے شاندار کھیل کا مظاہرہ کرتے ہوئے فرانس کو 0-2 سے شکست دے کر فائنل میں اپنی جگہ پکی کر لی۔
ڈلاس اسٹیڈیم میں کھیلے گئے اس اہم مقابلے میں اسپین نے ابتدا ہی سے کھیل پر اپنی گرفت مضبوط رکھی۔ میچ کے 22ویں منٹ میں نوجوان اسٹار لامین یامال کو باکس کے اندر فاؤل کیے جانے پر ریفری نے پنالٹی دی، جسے میکل اویارزابال نے کامیابی سے گول میں تبدیل کر کے اسپین کو برتری دلائی۔
دوسرے ہاف کے 58ویں منٹ میں پیڈرو پورو نے دانی اولمو کے ساتھ خوبصورت ون ٹو پاس کے بعد گیند کو جال میں پہنچا کر برتری 0-2 کر دی۔
فرانس نے کیلین ایمباپے، دیزیرے ڈوئے اور ریان چرکی کے ذریعے واپسی کی بھرپور کوشش کی، لیکن اسپین کے گول کیپر اونائی سیمون اور دفاعی کھلاڑیوں نے بہترین کھیل پیش کرتے ہوئے فرانس کو کوئی گول کرنے کا موقع نہیں دیا۔
میچ کے اختتام پر اسپین کی ٹیم اور مداح خوشی سے جھوم اٹھے، جبکہ فرانس کو شکست کے بعد اب تیسری پوزیشن کے میچ میں میدان میں اترنا ہوگا۔
اس کامیابی کے ساتھ اسپین نے ورلڈ کپ 2026 کے فائنل میں رسائی حاصل کر لی ہے، جہاں اس کا مقابلہ انگلینڈ یا ارجنٹینا میں سے کسی ایک ٹیم سے ہوگا۔
اہم اعداد و شمار
اسپین نے فرانس کو 0-2 سے شکست دی۔
میکل اویارزابال نے قومی ٹیم کے لیے اپنا 30واں گول اسکور کیا۔
اسپین نے اس ورلڈ کپ میں سات میچوں میں سے چھٹا کلین شیٹ حاصل کیا۔
پوری ٹورنامنٹ میں اسپین نے اب تک صرف دو گول کھائے ہیں۔
