او این جی سی میں انجینئرز اور جیولوجسٹ کی بھرتی، سالانہ تقریباً 26 لاکھ روپے تک پیکیج، درخواستیں شروع

سرکاری شعبے کی معروف تیل و گیس کمپنی آئل اینڈ نیچرل گیس کارپوریشن (او این جی سی) نے ای ون لیول پر انجینئرز اور جیولوجسٹ کی بھرتی کے لیے باضابطہ نوٹیفکیشن جاری کر دیا ہے۔ منتخب امیدواروں کو 60 ہزار سے ایک لاکھ 80 ہزار روپے ماہانہ تنخواہ کے علاوہ متعدد سرکاری سہولیات فراہم کی جائیں گی، جبکہ سالانہ مجموعی پیکیج تقریباً 26 لاکھ روپے تک ہوگا۔

کن شعبوں میں بھرتی ہوگی؟

اس بھرتی مہم کے تحت مجموعی طور پر 52 آسامیوں پر تقرری کی جائے گی۔

پیٹرولیم انجینئرنگ: 9

مکینیکل انجینئرنگ: 27

کیمیکل انجینئرنگ: 10

انسٹرومنٹیشن انجینئرنگ: 2

جیولوجی: 4

تعلیمی اہلیت

امیدوار کے پاس متعلقہ مضمون میں کم از کم 60 فیصد نمبروں کے ساتھ تسلیم شدہ یونیورسٹی سے ڈگری یا پوسٹ گریجویشن ہونی چاہیے۔ ریگولر یا تسلیم شدہ فاصلاتی تعلیم کی ڈگری قابل قبول ہوگی، تاہم مساوی ڈگریاں جیسے قبول نہیں کی جائیں گی۔

عمر کی حد

جنرل / ای ڈبلیو ایس: 26 تا 27 سال

او بی سی (نان کریمی لیئر): 29 تا 30 سال

ایس سی / ایس ٹی: 31 تا 32 سال

معذور امیدواروں کو سرکاری قواعد کے مطابق اضافی رعایت دی جائے گی۔

انتخاب کا طریقہ

امیدواروں کا انتخاب تین مراحل میں ہوگا۔

کمپیوٹر بیسڈ ٹیسٹ (CBT)

ذاتی انٹرویو

طبی معائنہ (میڈیکل فٹنس)

کمپیوٹر بیسڈ امتحان 85 نمبروں کا ہوگا، جس میں متعلقہ مضمون، جنرل نالج، اپٹیٹیوڈ اور انگریزی سے سوالات پوچھے جائیں گے۔ امتحان میں منفی مارکنگ نہیں ہوگی۔

تنخواہ اور مراعات

منتخب امیدواروں کو:

ماہانہ تنخواہ ₹60,000 سے ₹1,80,000

سالانہ تقریباً ₹26 لاکھ کا مجموعی پیکیج

مہنگائی الاؤنس (DA)

رہائش یا ہاؤس رینٹ الاؤنس

میڈیکل سہولت

پروویڈنٹ فنڈ

گریجویٹی

ریٹائرمنٹ کے بعد دیگر فوائد

فراہم کیے جائیں گے۔

امتحانی مراکز

کمپیوٹر بیسڈ امتحان ملک کے مختلف شہروں میں منعقد ہوگا، جن میں حیدرآباد، دہلی، ممبئی، کولکاتا، چنئی، بنگلورو، احمد آباد، لکھنؤ، جے پور، بھوپال، وشاکھاپٹنم، رائے پور، سورت اور ایرناکولم سمیت دیگر شہر شامل ہیں۔

اہم بات

او این جی سی میں سرکاری ملازمت حاصل کرنے کے خواہشمند انجینئرنگ اور جیولوجی کے امیدواروں کے لیے یہ ایک بہترین موقع ہے۔ امیدوار سرکاری نوٹیفکیشن کا بغور مطالعہ کرنے کے بعد مقررہ وقت میں اپنی درخواست جمع کرائیں۔